Kontsumobide Webgune berria

Herritarrak erdigunean jartzen dituen webgunea.

Erronka

2023an, Kontsumobidek (Eusko Jaurlaritzaren Turismo, Merkataritza eta Kontsumo Sailari lotutako erakunde autonomoak) erronka argi bati egin behar zion aurre: bere webguneak ez zuen erantzuten ez herritarren beharrei, ez erakundearen helburu estrategikoei.

Aurretiko azterketak hainbat arazo nabarmen jarri zituen agerian:

• Barne-egituran oinarritutako arkitektura, erabiltzaileen beharretan oinarritu beharrean.
• Nabigazioa zailtzen zuten lege-eduki gehiegi eta edukien bikoiztasuna.
• Emaitza baxuak web analitikan.
• Bilatzaileetan posizionamendu eskasa.
• Erabilgarritasun-arazoak.
• Nahasmena funtsezko prozesuetan: kontsultak, erreklamazioak, salaketak, arbitrajea.

Erronka nagusia webgune instituzional bat kontsumo-arazo errealak konpontzera bideratutako espazio erabilgarri, argi eta praktiko bihurtzea zen, Kontsumobide Euskadin kontsumoaren arloko erreferente gisa posizionatuz.

Zer egin genuen

Merakitik, proiektua hiru fase handitan egituratuta planteatu genuen: Azterketa, Detekzioa eta Definizio estrategikoa.

1. fasea. Ekosistema digitalaren azterketa sakona

Erradiografia oso bat egin genuen, honako hauek barne:

• Webgunearen azterketa heuristikoa eta edukien inbentarioa.
• Web-analitika eta erabiltzaileen portaeraren azterketa.
• On page eta off page SEO azterketa.
• Benchmarkinga.
• Erakundean giltzarri diren pertsonei egindako elkarrizketak eta galdetegiak.

2. fasea. Detekzio estrategikoa

Honako hauek definitu genituen:

• Webgune berriaren komunikazio-helburuak.
• Lehentasunezko publikoak, herritarrengan arreta berezia jarrita.
• Kanpo-beharrak.
• Barne-beharrak.

Giltzarri estrategikoa argia izan zen:

• Instituzionala baino lehen, erabilgarria izatea.
• Herritarren hizkera erabiltzea, ez administrazioarena.

3. fasea. Arkitektura digital berriaren eta diseinu bisualaren definizioa

Diagnostikotik abiatuta, honako hauek garatu genituen:

• Informazioaren Arkitektura berria.
• Zereginetara bideratutako edukien zuhaitza.
• Eduki-plan estrategikoa.
• Funtsezko atalen berrantolaketa eta sinplifikazioa.
• Markari soilik lotuta ez dauden keywordetan oinarritutako SEO estrategia.
• Webguneak Kontsumobideren ekosistema digitalaren barruan izango zuen rolaren definizioa.
• Webguneko orrialde guztien diseinua.

Emaitza Kontsumobideri webgune berria garatu eta programatzeko aukera eman zion planteamendu oso bat izan zen; 2024aren amaieran martxan jarriaz.

Emaitza

Kontsumobideren webgune berriak aldaketa estrukturala dakar bere posizionamendu digitalean:

• Erabiltzailean eta haren arazo errealetan oinarritutako arkitektura.
• Nabigazio argiagoa, sinplifikatuagoa eta segmentatuagoa.
• Erabilgarritasunaren hobekuntza, bereziki mobilean.
• Eduki praktikoagoak eta ekintzara bideratuak.
• SEO estrategia areagotzeko oinarri sendoak.
• Webgunearen, sare sozialen eta gainerako kanalen arteko koherentzia handiagoa.
• Diseinu soil eta argia, lengoaia bisual propioaren erabilerarekin.

Webguneak barne-antolaketa islatzeari uzten dio, eta zerbitzu publiko digitalerako tresna bihurtzen da.

Horrela, Kontsumobidek urrats bat ematen du du bere misioan: kontsumitzaileak babestea, informatzea eta ahalduntzea, esperientzia digital argiago, irisgarriago eta eraginkorrago baten bidez.

Proiektuaren gakoak

• Erabiltzailea erdigunean jartzea, arkitektura erabiltzailearen benetako motibazioetatik birplanteatuz.
• Datuetan eta barne-entzutean oinarritutako diagnostikoa.
• Sinplifikazioa eta lehentasunak ezartzea, bai edukian bai planteamendu bisualean.
• Markatik harago doan SEO estrategia.
• Instituzionala diseinuaren bidez biguntzea: ilustrazioen erabilerak webgunea herritarrengana hurbiltzea ahalbidetu zuen, eduki konplexuak ulergarriago eta eskuragarriago bihurtuz.